Byddwch yn ymwybodol y gallai masnachwyr twyllodrus posibl fod yn gweithredu yn eich ardal

Rydym wedi cael adroddiadau diweddar y gallai masnachwyr twyllodrus fod yn gweithredu yn eich ardal a'r cyffiniau.

Gall y masnachwyr hyn ffonio’n ddi-wahoddiad neu gnocio ar ddrysau gan geisio targedu pobl oedrannus neu agored i niwed a honni eu bod yn grefftwyr i atgyweirio toeau, patios, gwteri neu arddio.

Os ydych chi'n amau unrhyw un yn galw, peidiwch ag oedi cyn ffonio 101 - yr Heddlu.

Os oes gennych amheuaeth, peidiwch ag ateb eich drws a pheidiwch ag ymgysylltu â nhw.

Cadwch lygad hefyd ar unrhyw gymdogion oedrannus neu agored i niwed a allai gael eu targedu a gwnewch yn siŵr eu bod yn ymwybodol.

Mae Safonau Masnach yn gweithredu cynllun masnachwyr dibynadwy Prynu Gyda Hyder lle gall trigolion wirio busnesau sydd wedi'u cymeradwyo gan Safonau Masnach. Prynu gyda hyder

Diolch i chi ac arhoswch yn ddiogel